"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

giovedì 7 aprile 2011

Lago: per il periodico Ladins dal Friûl "al riscje di disparî"

E' appena uscito il n.4 del periodico "Ladins dal Friûl" che ospita una riflessione di "Mateu di Prun" sulla situazione della discussione sul Lago, dopo le risultanze della "relazione Garzon".

Lât di Cjavaç

Cul dopleament de centrâl di
Somplât al riscje di disparî

Cjavaç - Il lât di Cjavaç al è destinât a disparî, inte dade di un secul, se a vignaran realizadis lis oparis di dopleament la centrâl idroeletriche di Somplât. Naturalmentri cuntun dam grandon sul plan ambientâl. Un tant lu sosten la relazion dal tecnic, inzegnîr Franco Garzon, incargât dai comuns di Cjavaç, Trasâgas, Bordan e Verzegnis di scrutinâ il progjet Edipower. Par slaifâ chestis conseguencis i Comitâts pe difese e il svilup dal lât e pe tutele des aghis dal bacin di mont parie cun Legheambient, Wwf e i conseîrs regjonâi Enore Picco e Stiefin Pustetto a domandin al ministeri pal Ambient e ae Regjon di tornâ a vierzi la procedure di fate buine di impat ambientâl (Via). Inmò, a son de opinion che al sedi necessari che la Regjon e dedi la incarghe a un studiôs innomenât "superpartes" par un studi aprofondît su la oportunitât o mancul di realizâ il dopleament de centrâl.

Il probleme che il bacin dal lât al puedi jemplâsi di paltan al è stât ilustrât dilunc une conference stampe davuelte alì dal palaç de Regjon, a Udin. "E je vignude fûr cun clarece la veretât sul lât - a àn sotliniât i presidents dai Comitâts Valentin Rabassi e Franceschin Barazzutti -. Il tecnic che al à vude la incarghe dai comuns interessâts di scrutinâ il progjet Edipower di dopleament de centrâl al à sclarît cemût che il progjet stes al sedi, par plui aspiets, superficiâl. Ma parcè inalore il ministeri lu aial fat bon? Par colpe dai comuns di Trasâgas, Bordan, Cjavaç e Verzegnis che a àn dât un parê positîf - si son rispuindûts -, dal president de Regjon Tondo che come Pilât si è lavât lis mans, dal ministeri dal Ambient oltri che dai parlamentârs furlans, che di cheste cuestion no si son mai interessâts. Par evitâ che il lât al vebi di disparî la uniche soluzion - al è stât sclarît - e je chê di mandâ a discjamâ la aghe che e ven jù de centrâl idroeletriche fûr dal istès lât, a traviers une condote che la puarti diretementri viers il Tiliment.

"Il progjet Edipower e la stesse Via - al à inmò sclarît l'inzegnîr Zorç Cavallo, president regjonâl dal Wwf - no àn cjapat in considerazion il probleme de grande cuantitât di paltan che e podarà depositâsi sul font dal lât, tant di comprometi la sô stesse esistence. Ae lûs di chest fat gnûf al è cussì necessari tornâ a vierzi la procedure di Via. Il ministeri e la Regjon no podaran fâ di mancul di cjapâ at di cheste gnove situazion". I Comitâts e la int naturalmentri a restin in vuaite. (mateu di prun)


La rivista può anche essere letta online, all'indirizzo

Nessun commento:

Posta un commento

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.