"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

venerdì 1 febbraio 2013

Somplago caput mundi .... ancje par furlan

Il numero di gennaio di "Ladins dal Friul", appena uscito, riprende il comunicato dei Comitati sul problema delle richieste del cav. Pittini per l'elettrodotto Wurmlach Somplago, formulandolo in un "saurìt furlan". Le cose viste da un'altra prospettiva e con un altro codice, dunque (ma i problemi restano).
--------------

 Cumò avonda! Achì no si pea plui il mus! 

  -  Il  Cavalîr  Pittini,  paron  des  açaiariis  di  Riu  di  Osôf,  za  fa  cualchi  zornade  al  à,  dutun  in  chel,  molade  cualchi  lagrime e cualchi menace. La lagrime e je stade inviade pal displasê - usance lui  -  par  vie  che  no  i  lassin fâ  l’eletrodot  Wurmlach-Somblât. La menace, molade tal so mût sclet che no si cubie gran cu la lagrime, e rivuarde la delocalizazion des 
sôs produzions. 
    La lagrime no mertarès atenzion piç, parcè che e ricuarde chê dal crocodîl, ma la dade di chestis Fiestis nus inviule ae  bontât,  cussì  si  contentin  di  fâ  dome  cualchi  domande:  1)  cemût  puedial  il  Cavalîr  Pittini  lamentâsi  che  no  i  lassin  fâ  l’eletrodot cuant che ae sielte de soluzion di fâlu passâ sot tiere nissun si opon? Parcè fasial come  il lôf che al incolpe  l’agnel di inturgulii la aghe?  Se la variant sot tiere - metude in vore intai paîs civii - e coste di plui, parcè il Cavalîr Pittini 
aial la pretese di discjamâ chescj coscj  su lis vals e lis popolazions de Cjargne. 2) dulà jerial il Cavalîr Pittini (e la Regjon)  cuant che za fa un pôcs di agns indaûr il Stât al à privatizât la centrâl idroeletriche di Somblât? Se al fos stâ previden, e  scaltri, e la ves comprade insiemit cun altris industriâi al varès vût la centrâl une vore dongje e la energjie a bon presit. 
Invezit no: al à lassât che e finìs intes mans dai lombarts-piamontês-emilians di Edipower, che si compuartin di colonialiscj  cu lis nestris aghis pratindint fintremai di pompâlis par vuadagnâ inmò di plui; 3) cemût puedial il Cavalîr Pittini pratindi di  discjamâ la sô no previdence sui abitants de Cjargne, che a varessin di paidî un eletrodot fûr dal vade, cun entimis altis fint  a sessante metris? 4) no isal mai stât cjapât dal dubi il Cavalîr Pittini che se achì di nô il kwh al è salât la colpe e po divegni  des imposizions de nestre lobby energjetiche? Che se cjapi cun cheste lobby, e no cun altris. 
     Vignìn ae menace di delocalizâ i siei stabiliments che no merte domandis, ma fermis cjapadis di posizion de bande  des istituzions plui che dai Comitâts: a) il citadin Pittini al è libar di puartâ i siei stabiliments dulà che al crôt, ma a une  condizion dut câs: prime di sindilâsi che al torni  indaûr al Friûl i  contribûts  e  i  sostegns  publics  vûts  des  sôs  aziendis  prime, intant e dopo dal taramot. In maniere diferent al sarès masse comut! b) al fâs tante amarece e rabie constatâ che i 
plui biei flôrs de impreditorie furlane di front aes dificoltâts di chel marcjât - che lôr tant e adorin - nol sepin fâ altri che  menaçâ di sindilâsi, che usâ il ricat viers la Regjon, lis istituzions, la tiere che a lôr ur à dât tant: altri che patriots dal Friûl! 
    La Cjargne no po plui jessi dispueade di dut (aghis, malghis, boscs, scuelis, uficis di pueste, stazions forestâls, piçulis  ativitâts comerciâls, Ater, Aziende sanitarie, Agjenzie des jentradis, Tribunâl) e di jessi “ripaiade” cun l’oleodot, la super-  peresons, il poligon dal Bivera, il disvuedament dai podês dai Comuns par concentrâju su Tumieç, lis boletis saladis di 
Cjargneaghis, il sfrutaments oltri ogni regule dal lât di Cjavaç, la inutil autostrade Cjadovri-Damâr, l’eletrodot su lis entimis e… une gnove emigrazion. Cumò Avonda! 
(Comunicât stampe dal “Coordenament dai Comitâts de Mont” - Zenâr 2013)


"Ladins dal Friul" al ven fat di:
Edizions "Union Scritôrs Furlans " Str. Dandolo 12 (Tierç) 33028 - Tumieç (Ud) / telefon 0433/43696
 - e mail : ladinsdalfriul@gmail.com 

1 commento:

  1. Il concetto è molto semplice e già collaudato a riguardo "della cartiera e della Seima a Tolmezzo" .."O mi lasciate fare l'eletrodotto o io chiudo "la ricchezza della zona" e mando a casa gli operai"..Purtroppo affari sono affari!!

    RispondiElimina

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.