"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

sabato 27 luglio 2013

Lago, è (anche) una questione di generazioni

L'ultimo  numero di "Dalès un timp par vivi", il "sfuei parochiâl" di Alesso giunto alla 57° uscita, ospita anche un articolo su tematiche legate al "problema Lago"  più volte dibattute anche qui sul Blog  e che pertanto si ritiene interessante proporre anche ai lettori che abitualmente non vanno "a cerî il Boletìn intas butegas".
-------------------
Lâc, las gjeneraziòns di mieç

Chei ch'a lein il Boletìn o i Lunaris a varan sintût a contâ tantas voltas di cemût che al era il lâc "di prin" (prin da Sade e da centrâl di Somblâc),  di cuant che al era pui grant, cu l'aga pui cjalda, lì che, como ch'al conta Zuan, "Apena passada la Pasca (se a era "alta") a si spietavin las primas zornadas clipas e dopo ches cjaldas, par podê lâ fin lajù dal Lâc a pojâsi inta l'aga.  Il prin puest al era il "busìn da Cuesta" e dopo chel "di Cido", dulà che l'aga a era unin pui clipa. A si lava jù simpri dopo miesdì, dato che ai nestis timps la scuela a era nomo a buinora, e dopo al era dut libar. Cussì a si podeva lâ fint lassù dal Riu da Côt e a butâsi dal Zuc di Santìn o, di chê âta banda, ancja intal Mol, prima di rivâ vi da Micòs.
Par duta la biela stagjon, la riva dal Lâc a era batuda ogni dì che a na era ploia".  
Leint di chest, cui che al à vivût chês esperienzas, a las torna a jodi devant dai voi; cui che al è nassût dopo al po' vê una piçula idea di cemût che a era la vita vi dal Lâc.
Ma … e nô, che i sìn nassûts intai agns '50? J sìn una gjenerazion di mieç: intant che al sucedeva il ribalton, j erin massa piçui par capî ce che al sucedeva, e cuant che j vin tacât a lâ vi dal Lâc al era benzà deur a gambiâ dut. 
Di mui a si lava vi dal lâc a provâ a pescjâ alc, cuntuna cana fata cuntun racli e un fîl di ligna: a si cjapava nomo cualchi vrìa, a era fiesta se intal am a restava picjàda una parèsia…. Las trutas e i carpios a na erin zà pui, di pescjadôrs al era restât nomo Silvio di Scala e pôcs altris….
Di turiscj a s'in vedeva pôcs: a rivavin massima la domenia d'astât, a fâ un gîr su las barcjas che Livo al continuava a meti a disposizion o a fâ cualchi bal intal "dancing"  che chei di Gamberini a provavin a tegnî viert.
Cualchidun al dîs che al è propit in chei agns alì che la mularìa di Dalès a à molât il lâc e a à tacât a frecuentâ, d'astât, il Palâr: al era, forsit, ancja chel un segno par dî che il lâc al era gambiat massa, a nal era pui chel di prin ….
Nô, e massima chei che a son vegnûts dopo, il Lac j lu  vin simpri jodût cussì. Ognun, magari, al à cerût un "so" mût di  metisi in rapuart  cul lâc: al era chel che al sfidava l'aga freda par lâ nadant dal albergo fint al riu da Côt e cui che, inveza, al ceriva un rapuart pui personâl, scuasit intim ("Cjatâmi di bessôl chi cun te sot sere….", al scriveva Ugo Rossi).
J erin massa piçui inchê volta da Sade, ma alc, dopo, a si è provât a fa distès,  in pro dal Lâc: dal lâ in plaza cuintra il passaç da autostrada che a varès plantât i pilons inta l'aga devant di Somblâc, al lâ a presidiâ i cjamps lì che a volevin fâ su l'area di servizio a un tir di sclop dal lâc, as protestas dai agns '80 cuintra "l'ipotesi di prelievo", fint ai dibatiments di chei ultins trei agns cumò.
Cuant che a si tornisi a cjatâ, propit magari par tabajâ dal lâc, a si cjalisi ator, a si è magari contents se a è simpri pui zoventût che a samea interessâsi di chescj problemas ma, riduçant, a si dîs che a son simpri di pui i cjaviei blancs, sui cjâfs di chestas "gjenerazions di mieç"….
                                          
                                                             Pieri Stefanutti 















2 commenti:

  1. No mi somee mal sintisi alc di une vite coletive.

    Andrea Valcic (via facebook)

    RispondiElimina
  2. La partecipazion e je la fonde de democrazie. No votâ, no impaçâsi, no intervignî se no par brundulâ cence cognizion di cause, o corint daûr al prin istrion populist che al passe, no son bogns segnâi pe nestre societât. E tant mancul pes nestris piçulis comunitâts... Ai nestris fîs e fiis, dongje dal ABC, si varès di insegnâur ancje a interessâsi dal mont, a fâ volontariât e a esprimi lis lôr opinions su ce che a àn ator di se...

    Linda P. (via facebook)

    RispondiElimina

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.