Dalès, prè Gjulio Ziraldo di 40 agns a flanc de comunitât
La Vita Cattolica, 7 novembre 2013
A son 40 agns di cuant che pre Gjulio Ziraldo al à tacât a fâ il predi a Dalès. A jerin ai prins di otubar dal '73, cuant che al è rivât dongje e, in 40 agns, pre Gjulio a'nd à batiâts, maridâts, compagnâts tal ultin viaç unevore di lôr. Al à lassât il so segn in glesie e in tancj moments de storie dal paîs che a lu àn viodût protagonist, ancje in cualchi câs alçant la vôs, denunziant, protestant, partecipant a manifestazions publichis cuintri dut ce che al lave cuintri dai interès des sôs comunitâts, massime intai agns dal dopo-taramot; unevore preseât il so dâsi da fâ in glesie, tes scuelis, intes cjasis a bati e tornâ a bati su l'impuartance de lenghe e de culture dal Friûl
La int di Dalès e à cjapât ocasion, dopo da Messe di domenie 27 di otobre, par dî grazie pal so inpegno intal mieç da int, metint insiemi intun opusculut ancje cualchi pinsîr e auguri a chest predi che al compagne il paîs di 40 agns. Ancje il sindic di Trasaghis, Augusto Picco, si è unît ai ringraciaments, continuâts, fûr di glesie, intun rinfresc.
E jere presint int vegnude ancje di Feagne, paîs dulà che al è nassût prè Gjulio, e di chei altris paîs dulà che al à fat il predi.
Nessun commento:
Posta un commento
Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.