"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

mercoledì 16 luglio 2014

Avasinis, Alesso, Bordano: esperienze di "furlan a scuele" in Val del Lago

La "Vita Cattolica" dell'altra settimana - n. 26 -  ha dedicato una intera pagina alle esperienze "par furlan" che vengono fatte nelle scuole; pubblichiamo un estratto dell'articolo  nelle parti che riguardano le scuole dei paesi solitamente seguiti dal Blog: le scuole dell'infanzia di Avasinis e Bordano e le primarie di Alesso e Bordano.

Un tapêt di colôrs: fruts che a disegnin, che a zuin e che a plantin un cjamp. La cuviertine di «Scuelis in vore 2» e conte il mont di «Aghis», progjet che di plui di 10 agns al puarte la lenghe furlane sui bancs di scuele di cuatri Istitûts comprensîfs dal Friûl (Faedis, Tavagnà, Trasaghis e Udin prin). Numars cetant alts: une trentine di realtâts, scuasi mil e cinccent fruts, une setantine di insegnants. Un an di lavôrs didatics che al è stât tirât dentri in 28 pagjinis, cun fotos, contis, scritis, ricercjis. Il titul al è il stes dal an prime. E duncje no si è sielt un teme comun, ma si è dât spazi ae creativitât e ae progjetazion di ducj. La suaze? Chel che a àn produsût lis singulis classis. (…) Contâ ce che si cjate dentris chestis pagjinis al è come tornâ a passâ, fûr par fûr, un an di scuele. No par nuie i fruts che lu àn fat, lu àn puartât a cjase te prime setemane di Jugn, prime de ultime campanele. Tantis a son lis contis, lis ativitâts, i zûcs davuelts, culì contignûts. Si scomence cun ordin, propit dal prin grât de istruzion, scjalin fondamentâl par indreçâ l'aprendiment de lenghe: la scuele pe infanzie.  (…) A Bordan, un arbul al à insegnât i valôrs e a Avasinis si è contade la storie di un mûr. (…)Dentri de scuele primarie, lis ativitâts a son stadis plui variis ancje par vie che si son davueltis su plui classis. A Dalès, lis primis dôs classis a àn puartât indevant lis ativitâts dal progjet «Lusoruts e Cerots», in tierce e cuarte, cu la lenghe si son inventâts acrostics, in cuinte si è fevelât di bestiis. A Bordan, i fruts a àn viazât tes peraulis, pierdintsi intes storiis, cucant tai libris, jentrant tal mont fantastic des liendis.
(…)Di bon ultin, il gjornâl al ricuarde che al è atîf il sît web aghislab.it, orghin uficiâl de rêt di scuelis. Chi, i imprescj pe didatiche a son stâts condividûts e vierts a ducj. Par talian e furlan a son lis mapis di progjet, i materiâi doprâts e prontâts compagnâts di imagjinis, filmâts e presentazions multimediâls, in mût di permeti a ducj i visitadôrs di orientâsi cun facilitât tra i diviers argoments e metodologjiis. Il ministeri de Istruzion al à sostignût la realizazion dal portâl, dulà che a son documentâts e rindûts trasferibii i percors plui significativis dai ultins agns. A son li par jessi scjariâts e doprâts.
Oscar Puntel

Nessun commento:

Posta un commento

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.